MERA NAYA ISHQ

Takleef ka ye alam
Kay aadat ho chulli hay
Jab bhi dard kum ho
Takleef ziada hoti hay

Kaheen nahi jayegi ye
Ghar bana bethi hay
Meray dil kay har konay mein
Takleef hee tho behti hay

Dilasoon se jeet gayi
Waqt se takrai hay
Marnay nahi degi
Yehi soch kar ayi hay

Meri yaaddaasht pe
Neel ban kay chaayi hay
Jab bhi tumko yaad karoon
Takleef hee paayi hay

Din ho ya raat
Andhera lay kar ayi hay
Meray har dard ki dawa
Rub nay takleef banai hay

Kioon na isko apnaa loon
Dost apna bana loon
Jab saath saath hee rehna ho
Tho galay se laga loon

Itni saari mohabbat
Jo zaya ho jaye
Kioon na takleef se hee
Ishq kar liya jaye

Na degi dhoka
Na degi ghum
Takleef tho takleef hay
Uss se ishq kareingay hum

Tum jaisay nahi...
Ishq kay maani jaantay hein hum
Takleef khud tumhein bataeygi
Ussay kaisay chahthay hein hum

TASTE OF DEATH

Ashes of remains falling from my sky
Smoke playing games in front of my eyes
Wanting it to cease, wanting to forget
I took the chance and tasted death

Death was my friend
Death was my love
Death was peace
And none of the above

Death gave me birth
When i took the dive
Death gave me life
And i wanted to survive

I felt your absence in a tight vacuum
I saw the bright sun in a dark room
Wanting it to cease, wanting to forget
I took the chance and tasted death

Death was my friend
Death was my love
Death was peace
And none of the above

Death took me near
It took me away
Death gave me life
And im here to stay

Sweet reveries floated and filled the sink
Drowning in a whirlpool as i blinked
Wanting it to cease, wanting to forget
I took the chance and tasted death

Death was my friend
Death was my love
Death was peace
And none of the above

Death was soft
Warm as day
Death gave me life
And its here to stay

JASHAN

Aao hassein phir aik baar
Bhool kay saaray gham
Mein karoon phool ka singhaar
Aur ghom jayein hum

Aao chalein unn rahoon par
Jahan dil tha narum
Tum thaamo mera haath
Aur na chorein tumko hum

Aao bethein uss baagh mein
Dhoop ko karein jawaan
Chund lamhoon ki fursat mein
Amar jee lein hum

Amar aik dhoka hay
Uss se nazar chura kay
La-pata ghariyon ko
Dhoka de dein hum

Aaooo naaa... aao chalein
Samandar kay uss kinaray
Mein, tum aur poora chaand
Aur chaandni mein doobay hum

Aao karein yaqeen
Aur karein naz
Tum meri nazron pe
Teray lafzon pe hum

Aao bhool jayein ye
Chaar dewaari, din aur raat
Hum kahein tho shaam ho
Aur din bulayein hum

Aaa jao jaan.... jashan manayein
Lamhoon ko karein jawaan
Tum palkon se sharaab do
Aur peetay hee jayein hum

MERI QEEMAT

Meri bahoon ki garmi ki
Meray chehray ki narmi ki
Qeemat....do aanay

Meray baalon ko lehranay ki
Unki khushboo churanay ki
Qeemat....do aanay

Meray ghatia se dil ki
Usmein behtay bayhaya lahoo ki
Qeemat....do aanay

Meray haathon ko thaamnay ki
Unko gumrah karnay ki
Qeemat....do aanay

Meri nazuk si kamar ki
Usmein gehray kumaan ki
Qeemat....do aanay

Inn aankhon ko choomnay ki
Ansoowon kay qatar ki
Qeemat....do aanay

Inn hoonton ko choomnay ki
Unki hassi churanay ki
Qeemat....do aanay

Aasmaan pe lay jakay
Khaak mein milanay ki
Qeemat......................koi na jaanay

CHORI

Churaya na ja sakay
Tha kuch aisa mera kahazana
Kis pay ilzaam lagaoon
Kay chori hui hay

Ishq kay nashay mein
Kuch aisay andhay huay
Kay nazroon kay saamnay hee
Chori hui hay

Unn naram hatheliyon mein
Kuch aisay naachtay gaye
Kay jhoomtay mein hee
Chori hui hay

Sazaa kay naam pay
Kasoor-waar jo thehray
Iss qaid mein baithay hee
Chori hui hay

Jin lafzon kay pul pay
Bay-lagaam aagay barhay
Unn lafzon ki bhi
Chori hui hay

Jis zameen pe kharay
Jis aasmaan kay neechay
Unnhee kay beech
Chori hui hay

Meri in rugon mein
Dortay huay khoon ki
Meray hee wajood se
Chori hui hay

Meray iss seenay mein
Kuch bhataktthi hui
Aakhri saanson ki
Chori hui hay

Meray iss munn mein
Meray hee khuda pe
Meray hee emaan ki
Chori hui hay

Iss bay-maani ishq mein
Marnay se pehlay
Meri hee rooh ki
Chori hui hay

Iss chhanni jaisay dil ki
Khotay bay-qeemat dil ki
Neelaami par hee
Chori hui hay

Teri hee khidmat mein
Paysh kartay huay
Meri hee jaan ki
Chori hui hay

Kia kia bataoon
Kaisay loota hay mujhko
Meray bayaan ki bhi
Chori hui hay

Teray taaza lahoo mein
Laga-tar behtay
Meray hee naam ki
Chori hui hay