Khaufzada Aankhein

Toottha hay dil dekh kar
Tumhaari khaufzada aankhein
Kaisay marham lagaoon
Sambhaaloon tumhaari saansein

Shaid khyl hee samjhi thi
Jo sambhaal na saki
Kia meri hee waja se thi?
Khaufzada tumhaari aankhein?

Haan meri hee waja se thi
Rukti tumhaari saansein
Tum hee tho kehtay thay
Na jao tum yahan se

Gar meri iss zaat se
Chalti tumhaari saansein
Tho qurbaan ho jaoon mein
Na jaoon wahan se

Par meri hee waja se
Ruk gayi ye saansein
Aur meri hee badaulat hui
Aur khaufzada ye aankhein

Phir kaisa hay ye marham
Laayee hoon kahan se
Jo anjaan ban gayee.n do
Khaufzada ankhein