TERA EHSAAN...MERI QADAR

Aik masoom si khwahish thi
kay tum mujhe piyaar se dekho
zubaan se phool jharein
aur meri aankhon mein izhaar dekho

Chund pal isko paya
Laga duniya mil gayee
Laikin Foran usko jataya
"Tum is qaabil thi nahee"

Jisko mein nay piyaar samjha
Woh ek ehsaan tha mujhpe
Un sab phoolon ki qeemat
Ek qarz hay mujhpe

Khuda ko kia moo dikhaoongi
Ehsaan kia utaar paoongi
Jis qarz ki qeemat, meray jism pe hay naqsh
Isko mita aur chuka na saki, tho ispe hee ghar banaoongi

Tumhara pyaar panay kay liay
Tumhara ehsaan utarnay kay liay
Tumhara qarz chukanay kay liay
Tumhara naqsh mitanay kay liay
Har aazmaish pe uturti gayee
Har farmaish pe sirakti gayee

Hairan thi duniya
Ye kia hua hay mujhko
Apnay sab asool aur khaab
Thama diye hein tujhko

Koi samjha nahi meray dilki kaifiat
Is qurbaani mein milti thi ik rahat
ik roshni kay shayed
Milaygi aur bhi chahat

Aankhon mein sitaray liay
Ye baat bhool jaati hoon
Jo pyaar karnay ko ehsaan samjhay
Ussi ko moo lagati hoon

Meri mohabbat ko jo ghalti samjhay
Meray ehsaas ko jo bud-neeyati samjhay
Meray ansoowo.n ko jo natak samjhay
Din raat ussi ko chahthi hoon

Yaad rahay kay tumhara
Ehsaan rahayga zindagi bhar
Khuda kay saamnay bhi
Tumhaari ghalti le loongi sar
Shayed issi tarha chuka sakoon mohabbat kay do pal
Ehsaan hee sahee....akhir kuch tho kia mujh par

....tumhara ehsaan hee hay.... meri qadar