MERI ZAMEEN

tumhaari awaaz mein aik dard hay
usko apnaya hay

tumharay dil ki sab pareshaanion ko
seenay say lagaya hay

sawal poochay bina, sab jawaabon ko
apna banaya hay

teray vaadon kay sab tukron par
aik chota sa ghar banaya hay

aik pal ki qurbat mein so pal ka hay sakoon
us aik pal kay intezaar ko bhi apnaya hay

itna duur na lay jao
kay pehchaan.na mushkil ho jaye

itna khamosh mat raho
kay bolna mushkil ho jaye

tumhein pehchannay mein
apni pehchaan ko bhulaya hay

sub rishton ko bhula kay
aik rishta banaya hay

sub saharon ko thukra kay
aik sahara jamaya hay

apnay aasman ko mita kay
tumko sajaya hay

aye meray aasmaan, iss raat ko itna mat kheecho
kay kal meri subha na aye

aye meri zameen, itna la-pata na ho
kay meray paoon la-pata ho jaye